【Emily】《Inside Out Project》 海港城展450笑臉相
[2023.04.25] 發表
【明報專訊】「口罩令」3月撤銷後，香港人終於可以互相見到大家嘅表情，海港城噚日開始，喺海運大廈露天廣場、海洋中心同港威商場嘅廣東道入口外牆，展出超過450個市民同名人嘅笑臉相片，今次將會係本港最大型及最多展出相片嘅《Inside Out Project》。
《Inside Out Project》本身係法國藝術家JR於2011年創立，以巨型相片同黑白拍攝為基礎，去召集有共同理念嘅群眾喺公共場所張貼巨型個人黑白相，轉化為公共藝術作品，同周遭五光十色嘅環境產生強烈對比；至今已舉辦逾2000次活動，超過48萬人參與。
JR上月已喺海港城搞咗個公共裝置藝術，同步發起今次活動，邀請市民影低被口罩遮咗3年嘅笑臉，團隊再將相片鋪排處理，加入黑白波點做背景，展覽至5月7日。
更多港聞
【Emily】接連外訪 11司局長昨一度不在港
【明報專訊】政府同立法會大灣區訪問團噚日結束，今次共有6個高官參與，Emily睇過政府新聞公報同官員facebook，原來噚日一度有11名司... 詳情
文言遷移：嚴刑峻法 信賞必罰——〈五蠹〉（下）
【明報專訊】2012年首屆文憑試中文科卷一課外文言考材，是〈五蠹〉的第7段，全段可分為三層次。「嚴刑峻法，信賞必罰」，是考材的主旨，也是韓非... 詳情相關新聞
