【Emily】姚柏良倡回鄉證過期一年內可過關
[2023.04.25] 發表
【明報專訊】內地同香港因應新冠疫情封關約3年，今年2月先恢復通關，唔少人嘅回鄉證早已過期，中旅社網站嘅網上預約安排亦不時爆滿。為疏導呢個情况，立法會旅遊界議員姚柏良出席另一議員鄧家彪嘅網台節目時就建議，畀回鄉證過期一年內嘅市民可以繼續正常出入境，仲話已經同內地有關部門反映咗。
姚柏良解釋，疫情3年間，唔少人因為唔知幾時通關，所以冇計劃去換回鄉證。佢話港府喺2月突然宣布通關，大家都措手不及，為趕去內地探親同處理唔同事務，於是走去續證。佢仲話，估計3年幾以來累積要換證嘅人數有100萬以上，而中旅社辦證中心一日最多只可以處理五六千宗申請，如果用一個月工作26日去計，辦證中心起碼要花半年以上先可以完成100萬宗申請。
姚柏良仲提到，𠵱家陸續都有人過期換證，換領人數不停累積，即使喺內地換證都唔容易，同樣有額滿情况，加上暑假將至，希望可於短時間內解決問題。
更多港聞
【Emily】彌敦道190號未評一級 團體籲公眾表態
【明報專訊】尖沙嘴彌敦道190號洋樓於2018年被評為三級歷史建築，早前有保育組織及歷史學者組成研究團隊提出新資料，爭取為建築物「升格」做一... 詳情
【Emily】《Inside Out Project》 海港城展450笑臉相
【明報專訊】「口罩令」3月撤銷後，香港人終於可以互相見到大家嘅表情，海港城噚日開始，喺海運大廈露天廣場、海洋中心同港威商場嘅廣東道入口外牆，... 詳情
【Emily】接連外訪 11司局長昨一度不在港
【明報專訊】政府同立法會大灣區訪問團噚日結束，今次共有6個高官參與，Emily睇過政府新聞公報同官員facebook，原來噚日一度有11名司... 詳情
相關新聞
