【Emily】馬雲任港大榮譽教授 為期3年
[2023.04.22] 發表
【明報專訊】阿里巴巴集團創辦人馬雲近月喺唔同地方現身，仲有報道話佢喺香港過農曆新年，最近佢就獲香港大學邀請出任經管學院榮譽教授，任期已經喺4月1日開始，直至2026年3月，即為期3年。
馬雲喺2018年獲港大頒授名譽博士學位，港大發言人話，馬雲係深具遠見嘅成功企業家，港大歡迎佢參與教學同研究，同師生分享佢對企業創新同發展嘅豐富知道和經驗。消息人士透露，馬雲會專注喺金融、農業、創業創新方面研究，無公開講座或演講嘅計劃。
睇番港大經管學院網頁，已經見到馬雲嘅名同簡歷，集中管理及商業策略範疇。據網頁介紹，馬雲喺1999年創立阿里巴巴集團後，一直擔任主席至2019年9月，其間喺2014年成立馬雲公益基金會，並獲多間大學頒授榮譽博士學位。
更多港聞
【Emily】內地節目清唱幾句 容海恩練咗兩星期
【明報專訊】湖南衛視有唔少歌唱節目，最近新民黨議員容海恩（Eunice）就獲邀參與《我想和你唱》節目錄影，仲清唱咗幾句內地歌手汪蘇瀧嘅《有點... 詳情
【明報專訊】2021年底成立嘅公務員學院，主要職責之一係安排公務員所需嘅培訓課程。學院計劃下月19日推出「不學詩，無以言」講座，只要係總薪級...
詳情
相關新聞
