【Emily】公務員學院詩詞講座 教用佳句妙語
[2023.04.22] 發表
【明報專訊】2021年底成立嘅公務員學院，主要職責之一係安排公務員所需嘅培訓課程。學院計劃下月19日推出「不學詩，無以言」講座，只要係總薪級表14點或以上嘅公務員即可參加。宣傳海報提到，喺公務場合中，公務員有時會讀到或用到古典詩詞語句，期望講座為參加者解讀經典詩詞，同埋探討點樣運用佳句妙語，以收「畫龍點睛、增添文采」之效。
講座以「不學詩，無以言」為名，呢句正正來自《論語》，意指唔學《詩經》就唔識喺社交場合講嘢。喺3個鐘講座中，參加者將學習平仄同對仗等基礎知識；賞析公務場合詩詞名篇佳句；掌握運用古典詩詞提升表達效果嘅技巧。講座將由香港歷史文化研究會長葉德平主講，翻查資料，作為北京師範大學文學博士嘅佢，𠵱家係教育大學「課程與教學學系」高級講師，主要教授非物質文化遺產等科目，佢另外亦喺唔同報刊撰寫歷史文化專欄。
更多港聞
相關新聞
