【Emily】「國安教育日」播反修例片 叫議員留時間

[2023.04.14] 發表

【明報專訊】聽日係全民國家安全教育日，據Emily了解，政府今日會舉行「全民國家安全教育日放映會」，邀請一眾政府高層官員、行政會議非官守成員同立法會議員參與，觀賞同反修例運動相關嘅影片。主辦方面提供兩個時段，分別係下午4點半同傍晚6點，為時都係一個鐘，分別由保安局長鄧炳強同政務司長陳國基主持。

港澳辦主任夏寶龍近日訪港，唔少立法會議員收到通知，要預留今日同周日嘅時間，但未知所為何事，議員之間估計係咪會見夏寶龍。不過謎底好快揭開，其實係要為放映會預留時間，最終夏寶龍會唔會出席就暫時無人知。

有獲邀者向Emily講笑話，雖然無話一定要出席，但就叫佢哋喺兩個時段二選一，無「缺席」呢個選項喎！

更多港聞

【明報專訊】民建聯即將喺黨內舉辦「地區治理研習課程」，民青局長麥美娟等官員負責講課。民建聯副主席周浩鼎話，課程同可能年底舉行嘅區議會選舉無關... 詳情

【明報專訊】噚日係九巴成立90周年，主席梁乃鵬向員工發信宣布全體員工獲發「特別禮賞」，每人900元。佢喺信入面提到，90周年係個值得慶祝嘅里... 詳情

【明報專訊】中電同港燈正合作發展海上液化天然氣接收站，而一艘浮式儲存再氣化裝置船噚日抵達香港，下星期會駛去索罟群島以東嘅海上液化天然氣接收站... 詳情

【明報專訊】近年教師流失人數增加，教育局提及原因主要包括退休、進修、轉行等。局方向立法會特別財委會提交文件，提到近6個學年未屆退休而離開教育... 詳情

【明報專訊】2020至2022年共113名教師因社會事件被投訴成立而被教育局處分。立法會選委會界別議員尚海龍問及，教育局會否公開日後被裁定專... 詳情