【Emily】深水埗公共圖書館下周四開館
[2023.03.24] 發表
【明報專訊】康文署公布，?深水埗公共圖書館會下周四(30日)投入服務，噚日署方安排議員同地區人士率先參觀。區議員袁海文就喺facebook幫手宣傳，話裏面嘅兒童圖書館提供咗愉快嘅閱讀環境同埋適合兒童嘅讀物，又有親子閱讀角，而館內收藏好多有參考同保存價值嘅香港出版或印製書刊，會有主題為「文獻藏珍」嘅展覽，畀市民欣賞珍貴歷史文獻，當中包括中外珍本圖書、文學作品及音樂作品手稿、民間契約等。
袁海文話議員由諮詢、策劃，到最後落成，可以一齊參與同見證，非常榮幸。
立法會議員梁文廣亦去咗參觀，佢話新填海區一帶一直欠缺圖書館等設施，自己一早就開始爭取。佢話相信新圖書館會為區內街坊提供全面同多元化嘅服務。
深水埗公共圖書館位於深旺道38號深水埗康樂文化大樓，由港鐵南昌站A1出口，步行約10分鐘就到。
更多港聞
相關新聞
