【Emily】海關首屆歌唱比賽「海量粉絲」
[2023.03.24] 發表
【明報專訊】香港海關喺facebook發帖，話首屆「海關好歌SING」流行歌唱比賽前晚喺海關總部舉行決賽，形容「海量粉絲迫爆全場，氣氛相當熾熱」。呢個比賽由香港海關流行樂隊主辦，評判包括關長何珮珊、歌唱導師霍羿文、音樂創作人賈立怡，為嚟自唔同科系嘅八強參賽者評審指導。睇番專頁嘅相，關長聽到相當陶醉。
海關話8個參賽者早前喺淘汰賽脫穎而出，噚晚經過一番「龍爭虎鬥」後，最終由陸路邊境口岸科嘅簡家豪，憑陳健安《時光邊緣的人》一曲奪冠。帖文形容簡細膩動人嘅演繹，征服台下所有評審同埋觀眾。海關又話，香港海關流行樂隊聯同由退休海關高官組成的樂隊「The Dancing Bees」表演，將全晚氣氛推上高峰。
更多港聞
相關新聞
