【Emily】楊紫瓊封后 美領館搶閘道賀 高志森話楊「當然係香港成長演員」
[2023.03.14] 發表
【明報專訊】《奇異女俠玩救宇宙》(Everything Everywhere All at Once)一片揚威奧斯卡金像獎，片中唔少人都同香港有關，例如獲最佳女主角、喺香港成名嘅大馬影星楊紫瓊。Emily留意到，美國駐港澳總領事館喺《奇》獲最佳電影一刻已經喺facebook發帖恭喜，話期待將來奧斯卡上見到更多亞洲演員同作品。
港府都不遑多讓，過多大約半個鐘頭後，文化體育及旅遊局長楊潤雄發稿恭喜楊紫瓊獲最佳女主角。對於電影中同香港亦有關連嘅人物，例如曾經拍港產片嘅最佳男配角關繼威、港人後代導演關家永等，截稿前就未見港府發稿恭喜。
特首選委、導演高志森就話，楊紫瓊當然係「香港出身成長的演員」，又話「馬來西亞只有給她多元文化的養分」。
《奇》搶咗德國電影《西線無戰事》嘅風頭，但德國駐港總領事館都有恭喜楊紫瓊成為首位亞洲女演員封后，領事館又話，好開心《西線無戰事》獲得最佳國際影片等4個獎項。
建制派中，民建聯議員鄭泳舜亦有出帖，話恭喜楊紫瓊創造歷史，榮登奧斯卡影后。
更多港聞
【Emily】元朗青年宿舍1680宿位招租 可網上申請 最快5月入伙
【明報專訊】「青年宿舍計劃」第二個青年宿舍項目噚日舉行招租啟動禮。位處元朗嘅「保良局李兆基青年綠洲」為全港最大嘅青年宿舍，共提供1680個宿... 詳情
【明報專訊】政府喺2017年推出青年自薦計劃，畀青年自薦加入諮詢委員會同法定組織。民政及青年事務局向立法會提交文件話，希望將參與自薦計劃嘅諮...
詳情
【Emily】除罩復常同街坊燒嘢食 田二少帶埋外孫女抽獎
【明報專訊】口罩令解除，政黨及議員紛紛復辦「蛇齋餅糉」活動，實政圓桌立法會議員田北辰周日就喺元朗一個燒烤場搞咗個大型春季燒烤日，有成300名... 詳情
嶺大不再辦實體資訊日 稱勞民傷財 推「元宇宙」可隨時到訪
【明報專訊】每學年初，各大專院校都先後舉行入學資訊日（Info Day）介紹課程和校園特色。嶺南大學宣布，日後以「嶺大元宇宙」網頁取代一年一... 詳情相關新聞
