【Emily】搶人才 特首叫孫東親自打電話
[2022.11.15] 發表
【明報專訊】「搶人才」成為熱話，特別係創科人才。噚日立法會一個委員會上，有議員話希望政府唔好空談口號，行動上都要主動出擊。創新科技及工業局長孫東回應，政府好重視人才，特首仲叫佢親自打電話畀人才，𠵱家佢呢個局長都做緊「搶人才」嘅工作。
孫東話，參考深圳從事創科工作嘅人數，香港要成為創科中心，從事創科工作嘅人口不應少於100萬，但現時只得4萬人。佢重申《施政報告》定咗KPI(關鍵績效指標)，未來每年引進不少於3.5萬名人才，當中一部分係創科人才。佢又話局方會盡快建設龍頭同一般企業，強調人才一定係跟住企業嚟。有議員問是否有條件縮短向高端人才發護照嘅時間，孫東就話呢個要跟《基本法》，可能有啲難度，但當局願意提供特殊安排，盡量向高端人才提供便利。
更多港聞
【明報專訊】特首李家超上任4個幾月，特首辦話禮賓府嘅維修工程已經完成，李家超近日已搬入禮賓府，政務司長陳國基同律政司長林定國嘅官邸仲維修緊，...
詳情
【Emily】邵家臻偕民主黨林子健探監 染疫康復 戴耀廷無腦霧但體力差咗
【明報專訊】因「35+初選案」被控違反《港區國安法》嘅港大法律系前副教授戴耀廷（Benny），還押期間確診新冠病毒，噚日去探佢嘅立法會前議員... 詳情
相關新聞
