【Emily】特首與兩司長官邸維修費逾800萬 工程完成 李家超搬入禮賓府
[2022.11.15] 發表
【明報專訊】特首李家超上任4個幾月，特首辦話禮賓府嘅維修工程已經完成，李家超近日已搬入禮賓府，政務司長陳國基同律政司長林定國嘅官邸仲維修緊，兩人都未正式搬入去，3人官邸嘅維修費共超過800萬元。
律政司長辦公室發言人話，司長官邸有啲必要修葺同裝修工程，仲要更換破舊設施，例如1997年安裝嘅冷氣系統，預算開支400多萬元，司長會視乎工程進度，決定幾時搬入去。政務司長官邸就要處理平台漏水等問題，工程費約130萬元。
特首辦話，禮賓府嘅編制同上屆政府一樣，有20個家務人員職位，負責支援禮賓府舉行官方活動、接待訪客同官邸嘅日常運作，現仲有兩個職位空缺。至於上屆特首林鄭月娥搬出後，7月、8月都有工程，主要係改善滲水防漏、修補同更換損壞或老化嘅設施、屋宇設備等，預算開支約280萬元。
上屆林鄭花900萬維修保護
翻查資料，歷任特首搬入禮賓府前都會先裝修或修葺，林太用咗近900萬元維修保護；梁振英就用咗1400多萬元維修同改動間隔。
更多港聞
【Emily】邵家臻偕民主黨林子健探監 染疫康復 戴耀廷無腦霧但體力差咗
【明報專訊】因「35+初選案」被控違反《港區國安法》嘅港大法律系前副教授戴耀廷（Benny），還押期間確診新冠病毒，噚日去探佢嘅立法會前議員... 詳情
【明報專訊】發展局長甯漢豪昨在香港建造業推廣計劃「看『建』未來 『築』及生活」啟動禮致辭稱，未來數年政府基本工程開支預計每年逾1000億元，...
詳情
相關新聞
