【Emily】邵家臻偕民主黨林子健探監 染疫康復 戴耀廷無腦霧但體力差咗
[2022.11.15] 發表
【明報專訊】因「35+初選案」被控違反《港區國安法》嘅港大法律系前副教授戴耀廷(Benny)，還押期間確診新冠病毒，噚日去探佢嘅立法會前議員邵家臻話，Benny康復後無出現腦霧，但體力大不如前，做掌上壓同單腿深蹲都無咁好。
Benny同邵家臻講到喺獄中靈修嘅感受，最近仲諗起「行動神學」(Action Theology)，想將社會參與、神學、學術三結合；最近亦重拾放咗喺屋企至少25年嘅書《靈魂的暗夜》(Dark Night Of The Soul)，話𠵱家人在監倉，先有時間細閱。
邵家臻今次同埋民主黨林子健一齊去赤柱監獄探Benny，Benny成日為林子健嘅身體及博士論文禱告。邵家臻轉述Benny話，日日都有人探訪，有時係家人，有時係朋友，覺得自己受寵愛，多謝大家對佢嘅愛。邵家臻仲話，去探監變咗靈修，以為自己去鼓勵Benny，結果反被對方安慰。
更多港聞
【明報專訊】發展局長甯漢豪昨在香港建造業推廣計劃「看『建』未來 『築』及生活」啟動禮致辭稱，未來數年政府基本工程開支預計每年逾1000億元，...
詳情
文言遷移：神鏡神鏡，何人最靚？——〈全鏡文〉中的理想自我認同
【明報專訊】2017年文憑試中文科卷一課外文言考材〈全鏡文〉， 是清初古文家俞長城《可儀堂文集》壓軸最後一篇寓言，原文428字， ... 詳情相關新聞
