【Emily】民記著港商所贈印尼裝 陳克勤讚黨友好睇
[2022.09.19] 發表
【明報專訊】民建聯月頭出訪東盟五國，即印尼、越南、泰國、馬來西亞及新加坡，同當地商界及團體見面，順便介紹香港。民建聯噚日舉行記者會總結行程時，部分有去印尼嘅成員著住印尼蠟染服飾Batik見傳媒。該黨新界東南立法會議員李世榮就話，Batik係印尼當地港商朋友所送，新界東北議員陳克勤話要著得好睇都唔易，而在座都著得幾好睇。
李慧琼：部分團體想回訪香港
民記主席李慧琼(Starry)話，喺當地出席約50場活動、見咗約500人，好多團體都話好耐無接待過香港團體，部分團體都想回訪香港。Starry話，會向特首《施政報告》提出建議，要求推動香港同東盟經貿發展，及加強當地同香港高等院校教育銜接課程，同其他國家「搶人才」。
佢哋外訪前，發生多宗港人喺東南亞國家被「賣豬仔」嘅求職騙局，民記副主席陳勇提醒，商界及市民到東盟投資及旅遊須依法辦事，確保個人安全，有需要時可向當地中國大使館求助。
更多港聞
【Emily】東南亞18藝術家 用作品向香港「示愛」 旅局邀請 華仔經典角色躍然沙上
【明報專訊】新冠疫情令香港冇辦法同國際通關，好多鍾意香港嘅旅客已經兩年幾冇嚟過香港。不過旅客都有其他方法表達對香港嘅掛念，旅發局之前邀請咗1... 詳情
【明報專訊】政府最近再公布多名新任副局長同政治助理嘅利益申報，其中運輸及物流局政助陳閱川未有申報擁有任何物業，但就係兩間公司嘅董事及股東，包...
詳情
【Emily】建築署撰指南 助持份者更新公共空間
【明報專訊】新冠疫情下大家可能已好耐未能外遊，社區公共空間係其中一個主要消遣去處，建築署去年起推出大型項目，探討公共空間嘅設計，團隊正編寫一... 詳情
相關新聞
