【Emily】訪問「騙徒」 鄧炳強：監倉飯有得你食
[2022.09.16] 發表
【明報專訊】今屆政府嘅司局長都好勤力搞社交平台，保安局長鄧炳強喺facebook不定期發片，訪問唔同嘅人，月初佢訪問完同係警隊出身嘅保安局副局長卓孝業，噚日嘅片就訪問咗個「騙徒先生」，要對方講出點樣呃人去外地非法工作，片中騙徒又戴帽又戴黑超，但同以前《警訊》一樣，騙徒其實係由演員飾演，聲音亦經過處理。
鄧炳強喺片中稱呼騙徒做「騙徒先生」，問佢最近呃乜嘢、用咩方法呃人、咩人最易呃、最難呃，又問點樣控制被呃去外地嘅人再詐騙其他人等，由演員扮演嘅「騙徒先生」一一回答，提到呃人嘅手法之一係噓寒問暖「扮friend」，又會話有好多香港人都喺外地工作等。
問「騙徒先生」點樣呃人賣豬仔
最後鄧炳強問騙徒有咩可以為佢做，「騙徒先生」話想走同食叉燒飯，鄧炳強就喝斥：「監倉飯有得你食！」果然兩位主角都交足戲呀！
更多港聞
【Emily】獻花悼英女王 羅家英刪帖拍片道歉
【明報專訊】英女王伊利沙伯二世駕崩，前全國人大代表、八和會館主席汪明荃嘅丈夫羅家英（圖），日前都有去英國駐港澳總領事館獻花悼念，結果惹來內地... 詳情
【Emily】新思維函特首問鏡騷事故 1823代覆
【明報專訊】新思維早排去信特首辦，跟進MIRROR紅館演唱會墜屏事故，要求交代調查進度同責任問題，結果噚日收到政府電話熱線「1823」代為回... 詳情
【Emily】房署打擊濫用公屋 一年收回1300伙
【明報專訊】公屋資源珍貴，房屋局長何永賢噚日發表網誌，提到近日去咗房屋署「善用公屋資源分組」（分組）辦事處，了解同事打擊濫用公屋嘅工作。佢話... 詳情
【明報專訊】團結香港基金噚日舉行理事會會議，決議由原任副主席嘅港區全國人大代表陳智思（Bernard）擔任常務副主席，負責主持理事會會議同基...
詳情
相關新聞
