【Emily】愛女返港「驚喜」探監 「傑斯」哭5分鐘說不出話
[2022.09.08] 發表
【明報專訊】網台主持「傑斯」尹耀昇日前承認一項串謀作具意圖煽動行為罪及3項洗黑錢罪，要繼續還押，等候下月7日判刑。立法會社福界前議員邵家臻去探過傑斯，原來傑斯以為上周五(2日)會判埋刑，點知要等到10月，搞到寢食難安。上周五傑斯妻女都無到庭，原來係佢哋一家人嘅共識，傑斯事前仲交帶9月1日生日嘅囡囡一定要過得快樂，叫佢唔好到法庭旁聽。
傑斯女兒原本喺外國讀緊碩士課程，8月上旬返香港畀驚喜爸爸，邵家臻講番，傑斯隔住玻璃見到個女時，企喺度喊咗5分鐘講唔到嘢。邵家臻仲話，傑斯要同女兒「鬥快」，睇吓個女先碩士畢業定係佢「放學」先。
王逸戰獄中學打排球 日做300掌上壓
另外，被控違反《港區國安法》嘅前賢學思政召集人王逸戰，早前承認控罪，現還押等候月底判刑。噚日佢嘅facebook小編匯報其最新狀况，繼續努力做運動嘅王逸戰最近學埋打排球，如果天氣太熱，就去有瓦遮頭嘅地方做HIIT(高強度間歇式訓練)等，而原本每日做100下掌上壓嘅佢𠵱家已做到300下，睇落終於有啲肌肉，逸戰仲預祝大家中秋節快樂，周六中秋節一齊賞月。
更多港聞
【Emily】領展東涌街市試廚餘回收 達標商戶有獎
【明報專訊】根據環保署2020年數據，香港一日有3255公噸廚餘去咗堆填區，佔全部都市垃圾嘅三成，政府、環保團體以至個別私人機構都話要減廚餘... 詳情
【Emily】立會趁暑假動工 解決天花漏水玻璃朦
【明報專訊】立法會會議廳天花板漏水，之前Emily喺記者席聽會時都試過頭頂不時滴水。立法會主席梁君彥噚日話，秘書處同建築署趁大會休會期間已處... 詳情
港大教國安 10小時影片禁快播 稱本地立法「勢惹反對」 中央立法「別無選擇」
【明報專訊】香港大學本學年增設必修「憲法、基本法及國安法入門」國安教育課程，所有本科生要收看長約10小時、共24單元的錄影片段，回答選擇題及... 詳情
相關新聞
