【Emily】領展東涌街市試廚餘回收 達標商戶有獎
[2022.09.08] 發表
【明報專訊】根據環保署2020年數據，香港一日有3255公噸廚餘去咗堆填區，佔全部都市垃圾嘅三成，政府、環保團體以至個別私人機構都話要減廚餘，但成效一般。今次就到領展搞廚餘回收。
領展本月起以東涌富東街市做先導試點，鼓勵商戶將有機廚餘分類同回收，之後轉化成再生能源。評分達標嘅商戶可成為「綠色商戶」，獲得超市現金券外，仲可加入領展10月下旬起舉行嘅消費推廣活動，到時市民喺富東街市消費滿指定金額，就可換領現金券去呢批「綠色商戶」度消費。
另外，年初已停派雨傘膠袋嘅領展，最近喺樂富廣場同將軍澳嘅TKO Gateway分別擺咗個「氹氹轉」，中間可以放遮，一路轉一路幫雨傘除水，但Emily見到樂富個氹氹轉喺室外，頂部雖然有得遮，但側邊無咩遮擋，似乎落雨時唔多用得着喎。
更多港聞
【Emily】立會趁暑假動工 解決天花漏水玻璃朦
【明報專訊】立法會會議廳天花板漏水，之前Emily喺記者席聽會時都試過頭頂不時滴水。立法會主席梁君彥噚日話，秘書處同建築署趁大會休會期間已處... 詳情
港大教國安 10小時影片禁快播 稱本地立法「勢惹反對」 中央立法「別無選擇」
【明報專訊】香港大學本學年增設必修「憲法、基本法及國安法入門」國安教育課程，所有本科生要收看長約10小時、共24單元的錄影片段，回答選擇題及... 詳情
相關新聞
