【Emily】立會趁暑假動工 解決天花漏水玻璃朦
[2022.09.08] 發表
【明報專訊】立法會會議廳天花板漏水，之前Emily喺記者席聽會時都試過頭頂不時滴水。立法會主席梁君彥噚日話，秘書處同建築署趁大會休會期間已處理咗問題，佢轉述建築署解釋，會議廳外形似「飯煲」、天台似「煲蓋」，因為「煲蓋」係曲面設計，加上物料老化，增加排水渠滲漏風險，所以用咗泳池常用嘅高強度防水塗層Polyurea，再改埋去水窿嘅設計，防止淤塞。梁君彥話有信心唔會再天花漏水。
畀公眾及學校參觀嘅3樓教育廊，玻璃成日充滿濕氣，向下望唔清會議廳，梁君彥形容為「白內障」。佢話建築署派人拆晒50幾塊內面玻璃出嚟，填密頂底嘅縫隙，再喺玻璃中空位置更換兼添加吸濕物料，最終用埋建築署自製嘅吸濕裝置，喺玻璃中空位置抽濕，密封埋玻璃就搞掂喇！
更多港聞
港大教國安 10小時影片禁快播 稱本地立法「勢惹反對」 中央立法「別無選擇」
【明報專訊】香港大學本學年增設必修「憲法、基本法及國安法入門」國安教育課程，所有本科生要收看長約10小時、共24單元的錄影片段，回答選擇題及... 詳情
相關新聞
