【Emily】何俊賢倡膠袋費收現金6毫 「令人嫌煩」 謝偉銓話兩元先「肉赤」
[2022.08.11] 發表
【明報專訊】為提倡環保，政府建議將膠袋徵費由現時5毫加到1元，今年底實施。立法會相關小組委員會噚日討論，建測規園界議員謝偉銓提出加至2元嘅修訂，有議員認同咁先會令市民「肉赤」，不過另有議員就擔心基層嘅負擔能力。漁農界何俊賢就提出新穎建議，話環保係全港市民嘅事，徵費應加到6毫子，仲一定要畀現金，令有錢人都覺得「麻煩」，咁就會揀唔要膠袋喇，「夠絕啦？」
環署：1元已考慮經濟
對於謝偉銓提出嘅修訂，副環保署長陸嘉健話，當局建議徵費起步點加到1元，已考慮現時經濟環境同疫情下市民嘅接受程度，但若議員覺得2元成效更佳，政府會接受意見。
選委會界別議員陳紹雄認為，政府建議加到1元，市民好快就會適應，與其之後又再修例調整徵費，不如大刀闊斧增加到2元，要市民覺得「肉赤」，如果唔想畀錢，就自己帶購物袋。
九龍中立法會議員楊永杰好激動咁話，用徵費嚟推動減少用膠袋根本就錯方向，鼓勵減廢應由教育入手，「香港社會唔係靠徵費去解決問題，一毫子都唔應該收」，1元對基層市民非常重要。
更多港聞
【Emily】教局辦網上研討 助教員識別學生精神健康
【明報專訊】距9月新學年開學唔夠一個月，教育局為協助學生適應校園生活，同埋提升佢哋嘅抗逆力，今個月起將會推出新一輪活動，鼓勵學生、學校同家長... 詳情
【Emily】港區省級政協聯 想年底每日兩萬人通關
【明報專訊】港區省級政協委員聯誼會會長施榮懷同常務副會長余鵬春、李德麟、張學修等一行前日拜訪特首李家超，聯誼會噚日發新聞稿話當日就內地事務、... 詳情相關新聞
