【Emily】教局辦網上研討 助教員識別學生精神健康
[2022.08.11] 發表
【明報專訊】距9月新學年開學唔夠一個月，教育局為協助學生適應校園生活，同埋提升佢哋嘅抗逆力，今個月起將會推出新一輪活動，鼓勵學生、學校同家長參與。今個月22號，教育局一連兩日舉辦全港網上研討會，先後畀中學及小學參與。屆時會有大學學者、學校代表及教育心理學家等，透過唔同角度，協助學校人員及早識別同照顧學生嘅精神健康需要，提升學生抗逆力、喺學校嘅聯繫感。
開學後活動陸續有嚟，9至12月教局會為家長舉辦主題式「守門人」網上工作坊，主題包括適應轉變、面對考試、提升彈性思維等，家長下月1日可留意「校園?好精神」網站嘅詳情。局方下年1至8月亦加推「學生守護大使計劃 2.0」，希望裝備中學生識別同應對有需要嘅朋輩，並推廣友善互助嘅校園文化。
更多港聞
【Emily】港區省級政協聯 想年底每日兩萬人通關
【明報專訊】港區省級政協委員聯誼會會長施榮懷同常務副會長余鵬春、李德麟、張學修等一行前日拜訪特首李家超，聯誼會噚日發新聞稿話當日就內地事務、... 詳情相關新聞
