【Emily】蔡若蓮定字勉放榜生
[2022.07.16] 發表
【明報專訊】下周三(20日)就係DSE放榜，今年考生嘅高中生涯大部分時間喺新冠疫情中度過，之前仲有反修例運動，3年來嘅挑戰都好大。教育局最近搞咗「一人一字勉考生」網上運動，玩法只要用毛筆或箱頭筆喺A4紙寫上一個字，將圖片同文字解釋上載到自己facebook，加上「#一人一字勉考生」，再tag埋教育局長專頁就得喇。
教育局長蔡若蓮噚日率先參與呢個活動，用毛筆寫咗「定」字送畀DSE考生(圖)，佢引述《禮記．大學》嘅「知止而後有定，定而後能靜，靜而後能安，安而後能慮，慮而後能得」，希望同學規劃前路時有清晰目標，堅定前行，鼓勵考生要相信自己，只要唔放棄，終必夢想成真。佢仲鼓勵考生話，喺疫情中能克服種種困難完成考試已係一場大勝利，希望大家可放鬆心情迎接放榜。
更多港聞
【明報專訊】香港科技創新聯盟噚日舉行成立儀式，特首李家超、中聯辦副主任譚鐵牛、創新科技及工業局長孫東等出席，李家超致辭時提到自己上任15日，...
詳情
相關新聞
