【Emily】黃國染疫 前廳合照企近李家超 前日與林定國同組交流 李林皆陰性
[2022.07.15] 發表
【明報專訊】工聯會立法會議員黃國噚日新冠快速檢測陽性，佢前日曾參與「前廳交流會」，大合照時同特首李家超隔一個身位，交流時就同律政司長林定國、副律政司長張國鈞、立法會主席梁君彥等同組。佢同Emily話身體無大礙，喉嚨有啲乾。被問到擔唔擔心感染其他官員、議員，佢就唔想回應，認為今次只係小事，不過就為影響議員同事表示「唔好意思」。
已打4針 自言「只係小事」
特首辦、律政司同立法會秘書處分別回覆，李家超、林定國、張國鈞、梁君彥噚日快測都係陰性，前日各人全程有戴口罩。黃國噚日朝早喺facebook話快測陽性，有輕微感冒症狀，打算服連花清瘟膠囊。佢話自己已打4針，前日早晚快測都係陰，到噚日先變陽。
前日小組交流時，選委會界別管浩鳴同陳曼琪坐黃國旁邊。管牧同Emily講自己無病徵，噚日快測陰性，會再驗核酸。佢講笑咁話立法會近日多名議員中招，但唔擔心染疫。陳曼琪就同Emily話，由於佢周一接觸過確診者，被界定為密切接觸者，衛生署噚日通知要居家檢疫至下周一，佢強調同交流會無關。佢又話每個工作日都有做快測，全部陰性，𠵱家身體正常。
更多港聞
【明報專訊】民建聯選委會界別立法會議員陳仲尼噚日約見民政及青年事務局長麥美娟，就同鄉社團嘅角色反映關注，佢建議政府日後考慮將同鄉社團融入地區...
詳情
【明報專訊】勞聯前日舉行常委換屆選舉，由本身係立法會選委會界別議員嘅林振昇連任主席。阿昇同Emily講，上屆政府通過咗唔少重大勞工法例修訂，...
詳情
【Emily】「香港人網上書展」 楊子俊唔想連累書商
【明報專訊】「山道文化」早前因應貿發局拒絕佢哋參加今年香港書展，負責人楊子俊原定噚日起喺灣仔嘅「Mall Plus」聯同另外12間書商舉辦「... 詳情相關新聞
