【Emily】為下一代 前政助莫宜端舉家移英
[2022.05.21] 發表
【明報專訊】曾喺無綫新聞工作、擔任記者，又做過5年勞福局長政治助理嘅莫宜端，近日接受學者沈旭暉訪問，透露已舉家移民去英國米爾頓凱恩斯(Milton Keynes)。莫宜端話，𠵱家喺英國做緊言語治療師助理，提到離開原因，佢話係同囝囝教育有關。
育有一子一女嘅莫宜端話，移民係為咗下一代。佢話去年之前都未認真諗過移民，有日讀緊中學嘅囝囝同佢講，「全民國家安全教育日」學校有國安法問答比賽，兒子好凝重咁問佢，如果日後要考國安法，應該點讀好呢科。呢個問題令莫宜端擔心教育制度有變，萌生移民念頭。
佢又提到，自己喺英國最好傾嘅同事係來英20年嘅俄羅斯人，佢成長於蘇聯時代，後來到英國交流並留低。佢引述呢個同事講，喺蘇聯讀書時，「見到佢(蘇聯)嘅荒謬，學咗十幾年嘅嘢都係謊話」。
莫宜端曾經加入政府，喺反修例期間，佢同前政府舊同事發起聯署，要求成立獨立調查委員會。
更多港聞
【Emily】英皇塌校樹 樹藝師：老樹自求多福
【明報專訊】中華樹藝師公會會長歐永森噚日喺facebook發帖文，提及英皇書院一棵無花果樹日前喺風雨中倒塌。根據書院校刊資料，呢棵無花果樹高... 詳情相關新聞
