【Emily】生產力局將推「玄宇宙低煙冥鏹」

[2022.05.21] 發表

【明報專訊】每年春秋二祭，市民都會燃燒大量冥鏹，香港生產力促進局研發出綠色科研技術「玄宇宙低煙冥鏹」，於2022年日內瓦國際發明展奪得銀獎，並喺最近獲得專利，即將推出市場。

低煙冥鏹外觀同質感與傳統冥鏹無異，但製造時減少使用木材，內含回收無機填料同助燃劑，生產成本只係比傳統冥鏹多5%，但二氧化碳排放量就減近三成，燃燒速度亦快四成，可減少燃燒時釋放嘅煙塵，並可降低熱能。生產力局計劃同慈善機構合作推出「試燒計劃」，如果數據符合預期，低煙冥鏹將會推出市場。

另外，生產力局研發出成本低、透氣度高嘅「萬用超微細纖維」。呢種物料比起傳統纖維透氣度高約37%，透濕度提升逾2倍，而且生產成本較低，產量亦較高，同時可自然分解。局方協助本地無紡布廠，以「萬用超微細纖維」量產可降解口罩，項目已獲政府資助，計劃未來數月推出。

更多港聞

【明報專訊】中華樹藝師公會會長歐永森噚日喺facebook發帖文，提及英皇書院一棵無花果樹日前喺風雨中倒塌。根據書院校刊資料，呢棵無花果樹高... 詳情