【Emily】英皇塌校樹 樹藝師：老樹自求多福
[2022.05.21] 發表
【明報專訊】中華樹藝師公會會長歐永森噚日喺facebook發帖文，提及英皇書院一棵無花果樹日前喺風雨中倒塌。根據書院校刊資料，呢棵無花果樹高約15米，種植至今超過61年，係眾多「英皇仔」嘅集體回憶。呢棵樹早前出現健康問題，校方曾做預防措施，包括喺高處以繩纜繫緊，同利用金屬支架支撐樹身，減低樹幹下墜風險。校方亦聯同舊生會同埋同學會成立關注組，研究點樣護理呢棵樹。
歐永森話，睇唔到拉纜同支撐能發揮應有嘅保護作用，而樹幹斷裂位置疑似喺樹洞之上，樹身又輕度傾斜，質疑當時有冇為樹體嘅風力影響，同木質結構做過數學分析；又話如果樹體係上重下輕，有可能受到旋轉風影響，質疑當時又有冇做過合理修正。
佢仲話，樹藝師係樹木醫生，準確嘅樹木檢查同健康評估至為重要，可惜樹木管理辦事處嘅成立，只係為咗減免樹木風險，影響到行業偏向只做樹木風險評估，改善樹木健康卻因陋就寡，對呢啲老樹嚟講，只能自求多福。
更多港聞
相關新聞
