【Emily】「安坐家中難救地球」 工廠高層做抗疫義工
[2022.04.11] 發表
【明報專訊】新冠疫情下多個團體都組織義工派發抗疫物資，全港社區抗疫連線(連線)噚日喺facebook分享義工Ronnie(圖左)嘅故事，佢正職係管理內地近600人嘅金屬塑膠製品廠，Ronnie話今波疫情根本唔能夠好似之前4波咁，配合防疫政策疫情就回落，「安坐家中不可以救地球」，於是報名做義工。
Ronnie最初借嚟朋友嘅七人車參與運送物資，後來連線招募18區組長，統籌前線派發工作，Ronnie收到邀請擔任葵青區組長，佢要逐一致電200多個義工聯絡，了解佢哋專長、經驗、能力、服務意願後，再按人口比例及社區需求等因素，邀請14個義工做組長，負責組織及安排前線嘅派發工作。
Ronnie形容，加入義工隊後好似無時無刻都放唔低義工工作。最終佢同團隊一日派完2380個福袋，佢話最感動嘅係好多義工派完獲分配嘅福袋後，立即跨區支援，體現集腋成裘嘅精神。
更多港聞
【明報專訊】政府繼續致力提高疫苗接種率，唔少政團都有幫手安排市民打針，實政圓桌前日喺元朗大會堂舉辦科興疫苗接種日，該黨立法會議員田北辰噚日喺...
詳情
【明報專訊】香港早年有唔少基層家庭都會拎塑膠花喺屋企穿，近日有騙徒喺網上平台招聘「手工員」在家做刺繡、摺紙等工作，恍如時光倒流。警方噚日就喺...
詳情
調查：36％DSE考生壓力極大 疫下狀態遜1月 學友社籲備妥「考試行李箱」
【明報專訊】中學文憑試（DSE）4月22日開考，第三年於新冠疫情下舉行。學友社3月調查578名DSE考生，他們自評壓力平均分達7.87分（1... 詳情
相關新聞
