【Emily】騙徒網聘「手工員」 警試探踢爆
[2022.04.11] 發表
【明報專訊】香港早年有唔少基層家庭都會拎塑膠花喺屋企穿，近日有騙徒喺網上平台招聘「手工員」在家做刺繡、摺紙等工作，恍如時光倒流。警方噚日就喺facebook提醒係騙案嚟㗎，「換湯不換藥」，騙徒喺受害人表示有興趣後，就會游說佢哋擔當「刷單」騙案中嘅「刷單員」、「推廣員」等角色，墊支買貨後血本無歸。
警方喺網上設「守網者」一站式平台，日前提醒近排網上出現一堆奇怪廣告，「招聘」在家工作刺繡、摺紙。「守網者」小編略為試探，聘方就露出馬腳游說佢做「產品數據處理員」、「推廣員」等，背後繼續係一貫嘅「刷單」騙案手法，即要求小編喺假平台買貨完成「任務」，把貨款存入騙徒銀行戶口，每宗便能賺取10%佣金。假平台設計精美，仲附有用戶指南。「守網者」喺fb話「長輩教落：返工要先貼錢的，多數有伏」。
翻查資料，之前已有多宗騙案，有騙徒喺求職App登廣告招聘「刷單員」，要求受聘者自資喺購物網站購物以協助增加銷售紀錄，10名學生參與後收唔到本金及報酬，共被騙去58萬元。
更多港聞
調查：36％DSE考生壓力極大 疫下狀態遜1月 學友社籲備妥「考試行李箱」
【明報專訊】中學文憑試（DSE）4月22日開考，第三年於新冠疫情下舉行。學友社3月調查578名DSE考生，他們自評壓力平均分達7.87分（1... 詳情
相關新聞
