【Emily】實政圓桌辦疫苗日 兩成半人打第四針
[2022.04.11] 發表
【明報專訊】政府繼續致力提高疫苗接種率，唔少政團都有幫手安排市民打針，實政圓桌前日喺元朗大會堂舉辦科興疫苗接種日，該黨立法會議員田北辰噚日喺facebook話活動為約230個街坊打針，當中3至17歲有兩成，18至59歲有兩成半，最多係60歲或以上群組，佔咗五成半；最新推出嘅第四針都有兩成半人接種。田北辰話，疫苗接種活動有兩大目標，重點保護兩大群組，一方面為學生復課做準備，另一方面為長者加強保護力。
另外，為方便區內家長安排子女打疫苗，葵青民政事務處聯同多個地區團體，為區內3至12歲學童及公眾人士接種科興，噚日第五場，預計接種者過千。
公務員事務局長聶德權噚日去咗青衣長亨社區會堂視察，佢喺fb話，政府本周將公布學校逐步恢復面授課堂安排，但同期接種疫苗數字有緩和迹象，3至11歲兒童接種率停留喺六成多，佢呼籲家長喺復課前盡快安排子女打疫苗。
更多港聞
【明報專訊】香港早年有唔少基層家庭都會拎塑膠花喺屋企穿，近日有騙徒喺網上平台招聘「手工員」在家做刺繡、摺紙等工作，恍如時光倒流。警方噚日就喺...
詳情
調查：36％DSE考生壓力極大 疫下狀態遜1月 學友社籲備妥「考試行李箱」
【明報專訊】中學文憑試（DSE）4月22日開考，第三年於新冠疫情下舉行。學友社3月調查578名DSE考生，他們自評壓力平均分達7.87分（1... 詳情
相關新聞
