【Emily】潘焯鴻話曾鈺成道歉 梁熙團隊：絕無此事
[2021.12.20] 發表
【明報專訊】10個地區直選選區中，港島東係其中一個選情較激烈嘅選區，候選人不時針鋒相對，其中民建聯梁熙及「中科監察」主席潘焯鴻日前仲分別向選管會等互相投訴。噚日投票日，兩個競選團隊一早就喺柴灣短兵相接，潘焯鴻日前投訴為梁熙拉票嘅民建聯創黨主席曾鈺成宣傳片抹黑佢，兩人同場後，團隊亦分別喺facebook講番相遇情况，內容係點就各說各話。
潘焯鴻噚日先喺fb出一張佢指住曾鈺成嘅相，內容指有幸見到曾鈺成，仲聲稱「接受佢老人家」先前「發噏風道歉」，又話佢特別提醒對方應該有所為、有所不為，如果認為自己有分量，毋須口出狂言，「如果懂得留點風度，特首都有得佢做」，又話感謝對方對佢嘅讚美同祝福。
梁熙fb其後亦出咗張曾鈺成同潘焯鴻同場拉票嘅相，形容「感謝4號候選人一早拉隊撐1號梁熙」，梁熙團隊又向Emily澄清，潘指曾鈺成道歉係「絕無此事」。同區嘅廖添誠，噚日就獲太太郭芙蓉帶埋初生囡囡一齊喺區內拉票。
更多港聞
【Emily】麥美娟現身助選 葉劉：感動又驚喜
【明報專訊】多名立法會選委會界別候選人噚日為自己拉票之後，馬不停蹄四出為直選嘅友好候選人拉票，好似工聯會麥美娟，除咗幫黨友外，仲走去東涌為出... 詳情
【Emily】梁美芬拖老公投票 管牧再被問佳仔
【明報專訊】立法會選舉選委會界別由1448名選委，從51個候選人中選出40個議員，經民聯梁美芬由地區直選轉跑道出選選委會界別，同時屬法律界當... 詳情
【Emily】接楊森獄中信 黃碧雲憶35年同行爭民主
【明報專訊】民主黨前立法會議員黃碧雲係民主派35+初選案被告之一，月前獲准保釋。佢前晚喺facebook話，收到因反修例遊行同六四集會案而被... 詳情相關新聞
