【Emily】梁美芬拖老公投票 管牧再被問佳仔
[2021.12.20] 發表
【明報專訊】立法會選舉選委會界別由1448名選委，從51個候選人中選出40個議員，經民聯梁美芬由地區直選轉跑道出選選委會界別，同時屬法律界當然選委嘅佢，噚日一早去到灣仔會展，拖實老公王貴國去投票，之後佢周圍同其他候選人、選委等打招呼寒喧。唔少選委會界別候選人同團隊，噚日一早喺連接灣仔港鐵站及稅務大樓嘅天橋拉票，梁美芬帶埋自己嘅紙牌，喺天橋逐一同候選人合照打氣。
香港聖公會教省秘書長管浩鳴所到之處，幾乎都會被記者問及陳同佳，同樣係選委會界別候選人同選民嘅管牧，噚日去會展投票時，被問到會唔會因陳同佳事件而提升咗知名度，佢回應話同件事無關係，選舉日就唔再回應佳仔嘅事。至於勝算有幾大，管牧話平常心，無預料過勝算如何。
更多港聞
【Emily】接楊森獄中信 黃碧雲憶35年同行爭民主
【明報專訊】民主黨前立法會議員黃碧雲係民主派35+初選案被告之一，月前獲准保釋。佢前晚喺facebook話，收到因反修例遊行同六四集會案而被... 詳情相關新聞
