【Emily】林鄭：當年力排眾議保留中環街市
[2021.11.20] 發表
【明報專訊】市建局噚日喺中環街市舉辦20周年慶典，特首林鄭月娥擔任主禮嘉賓，佢致辭時話保育中環街市，係佢當年做發展局長時力排眾議提出，中環街市先可以剔出勾地表。經過多年努力，佢話呢張係「遲交嘅成績表」，但得到嘅係「100分滿分」，𠵱家達成咗「城中綠洲」嘅願景。
話「遲交嘅成績表」得滿分
林太又讚揚市建局20年來嘅工作成效有目共睹，至今推行超過70個市區更新活化舊區項目，提供約2.4萬個新建住宅單位，唔少項目仲成為城市地標，例如荃新天地同觀塘市中心。
市建局慶祝20歲生日，噚日唔少新知舊雨濟濟一堂，包括兩個前主席劉華森同鄭維新。現任主席周松崗致辭時話，20歲對個人係立冠成人之年，對機構嚟講係初創到成形嘅轉折點，今日市建局年輕力壯，充滿熱誠同活力，堅決履行市區更新使命，迎接未來更多個20年。
更多港聞
【明報專訊】立法會地區直選中，多區都有定位非建制派嘅候選人，Emily翻查咗佢哋嘅提名表，參選港島東嘅「中科監察」主席潘焯鴻有11個提名，當...
詳情
相關新聞
