【Emily】林卓廷獄中詩贈生日妻
[2021.11.20] 發表
【明報專訊】47名民主派初選案被告之中，還押中嘅西貢區議員鍾錦麟(阿Ben)噚日生日，立法會前議員邵家臻喺facebook上載一張甜品相，上面插咗一支蠟燭，寫住「Happy Birthday to: Ben」，話好想親口同阿Ben講一句：「生日就算未至快樂也要盡量平安。」
邵家臻話之前去過探監，見到阿Ben嘅積極，佢估計阿Ben係對檢控部門一再延期有心理準備，「畢竟(無緣無故的)在囚日子已經差不多一年」。阿臻仲話，早排遇到阿Ben太太仍然笑面迎人，邵叔叔亦叮囑阿Ben仔仔要以爸爸為榮，「快高長大，做個好人」。
同樣因初選案還押嘅立法會前議員林卓廷，無辦法同前日(18日)生日嘅太太親口講生日快樂，於是寫咗首生日詩，提到佢哋由中二緣定30年，「天不老，情不變，海闊天遙」，又拜託大家代佢向太太送上祝福。
更多港聞
相關新聞
