【Emily】貼舊相話當年 陳學鋒「伊健look」 做區慳到做業主

工聯會鄧家彪（右圖左）2004年已同陳婉嫻合組名單選九龍東，17年後再戰呢區，佢似乎發福不少。（鄧家彪fb圖片）

民建聯陳學鋒公開佢2000年代初做葉國謙助理時嘅相（上圖），同現時都幾大分別，當年嘅佢曾經留「伊健頭」。（陳學鋒fb圖片）

【明報專訊】立法會選舉中，部分人雖然唔係選舉老將，其實亦喺政圈打滾多年。首次以「主角」身分參選港島西直選嘅民建聯副主席陳學鋒，噚日就喺facebook貼出舊相，話自己都後生過，明白後生仔嘅無助。佢形容2000年代初，20幾歲嘅佢留住「伊健頭」去應徵葉國謙助理，展開做社區嘅生涯。佢話好記得當年有時想打機，夜晚10點幾開完法團會，就去西環嘅機舖打到半夜，第二日帶住黑眼圈返工。

陳學鋒話做社區人工唔高，死慳死抵2003年總算買到樓，即係廿幾歲就做業主。佢話𠵱家好多後生仔比佢當年勤力、更有目標，但就見唔到前景，問題唔喺後生仔身上，而係無咗向上流嘅階梯，問題包括樓價高、產業單一、租金貴等，所以佢認為經濟必須革新。

「增磅」鄧家彪：不忘關注打工仔

參選九龍東嘅工聯會鄧家彪亦貼舊相，話自己曾喺社署工作，SARS後加入工聯會，2004年仲同師父陳婉嫻參選九龍東。

除咗當年選舉相，鄧亦貼出唔同時代嘅相，形容「由瘦到無咁瘦」，但十幾年都不忘初心關注打工仔女權益及社會貧窮問題。

港島西其他參選人包括新民黨葉劉淑儀、離島區議員方龍飛。九龍東參選人仲有民建聯顏汶羽、民主思路陳進雄、胡健華及李嘉欣。

更多港聞

【Emily】1986至去年 死亡率跌43% 男女平均壽命82.9及88歲 冠絕全球

【明報專訊】香港人愈嚟愈長壽，最新嘅男女平均預期壽命更冠絕各大已發展經濟體。政府統計處噚日出版新一期《香港統計月刊》，當中載有1986至20... 詳情

【Emily】「自身一向安全」 馬仲儀移英續行醫

【明報專訊】公立醫院近月醫護流失率上升，醫管局主席范鴻齡曾推斷升幅與移民有關，形容情况有惡化趨勢。公共醫療醫生協會（PDA）前會長馬仲儀（圓... 詳情

【Emily】《選擇》45歲生日 首個明星封面係張國榮

【明報專訊】消委會《選擇》月刊噚日迎來45歲生日，並發布第541期。自從上年2月因為疫情轉為網上記者會後，噚日消委會終於回歸實體記者會，總幹... 詳情

【Emily】試業兩月半 中環街市逾300萬訪客

【明報專訊】關閉咗18年嘅三級歷史建築中環街市，經過市建局活化同保育後，營運空間今年8月開始試業，吸引唔少市民行街同打卡。負責營運中環街市嘅... 詳情

丘佐榮舊生變校長 留下來伴後輩成長

【明報專訊】基督教女青年會丘佐榮中學校長郭世民今年9月新上任，本身是該校1990年代畢業生的他，闊別逾20年重返母校，面對本港正經歷移民潮，... 詳情