【Emily】試業兩月半 中環街市逾300萬訪客
[2021.11.16] 發表
【明報專訊】關閉咗18年嘅三級歷史建築中環街市，經過市建局活化同保育後，營運空間今年8月開始試業，吸引唔少市民行街同打卡。負責營運中環街市嘅華懋集團噚日公布，中環街市試業頭兩個半月有超過300萬訪客，項目第二期亦都招緊租，預計明年中全面營業。
第二期招租 料明年中全面營業
華懋集團執行董事兼行政總裁蔡宏興話，過去幾個月中環街市舉辦咗超過400次社區同伙伴合作活動，參加人數近20萬，項目首階段租務情况理想，出租率高達95%，有近100個商戶進駐咗。佢話，項目第二期已經開始招租，預計明年中正式全面營業。
中環街市今年內仲會有其他活動，包括「創業中：中環街市．體驗市集」、心愛聖誕、Central Countdown。
更多港聞
【明報專訊】教育局昨宣布，優質教育基金在現行「我的行動承諾」撥款計劃框架下推出加強措施，讓學校申請另一筆額外資助以提升學生的國民身分認同，並...
詳情
相關新聞
