【Emily】石禮謙談「告別劏房」 「領導人不應只點出問題無理解原因」
[2021.11.15] 發表
【明報專訊】立法會地產及建造界議員石禮謙唔再競逐連任，佢接受商台訪問時總結經歷21年議會生涯就話，最感嘆係香港深層次問題未妥善解決。港澳辦主任夏寶龍講過希望香港2049年或之前告別劏房，石禮謙就話領導人唔應該只點出問題而無理解箇中原因，「佢有無了解點解解決唔到呢啲問題呢？有無幫助林鄭(月娥)同我哋香港政府去解決呢啲問題？」
憶修例致法案委會爆衝突
「泛民議員對我無惡意」
石禮謙話，除咗房屋問題，香港亦有福利、醫療、教育等議題須一併處理，又舉例指香港每年有平均約5000個長者喺輪候資助安老宿位期間去世，反問「啲領導人有無去探過佢哋、有無去了解過佢哋呀？」
2019年5月立法會審議《逃犯條例》修訂嘅法案委員會爆發衝突，主持會議嘅石禮謙被民主派包圍、會議腰斬。石禮謙喺訪問中形容自己無動怒，認為泛民議員當時對佢無惡意，佢對唔少昔日同事還押入獄感到可惜，又感慨好多年輕人喺社會事件中斷送前程，認為應畀番條路佢哋。
昔因反越戰示威被捕
盼社會畀條路年輕人
石禮謙仲話自己係過來人，讀大學時曾參與反越戰嘅騷亂示威多次被捕，但無入獄，佢慶幸當時社會畀機會，令佢可以繼續發展事業；佢認為當權者對社會過去幾年嘅事要思考箇中原因、檢討教育制度，畀機會年輕人更生同改過。
更多港聞
【Emily】11．21長者日 1400商户推銀髮優惠
【明報專訊】11月21日（周日）為「長者日」，社會福利署話籌辦咗「長者日消費優惠」活動，邀請本地飲食及零售業界，喺當日為長者卡持有人提供特別... 詳情
校本支援派員共同備課 檢視國安教材 教局倡用內地例子教公民科
【明報專訊】公民與社會發展科今學年起逐步取代通識教育科，學校可向教育局申請「公民與社會發展科／通識教育科」校本支援服務，教局人員定期到校與教... 詳情
【明報專訊】根據教育局文件，「公民科／通識科支援服務」發展重點包括按課程宗旨和目標「設計客觀及持平的學與教材料」；在《憲法》和《基本法》教育...
詳情
迎「體育產業化」人才需求 教大推運動科學新課程
【明報專訊】JUPAS（大學聯招）正接受首階段申請，下月8日截止。香港教育大學宣布推出9個新課程，當中3個為四年制學士，包括運動科學及教練、... 詳情相關新聞
