【Emily】吳璟儁辭政制局 任西九傳訊總經理
[2021.08.20] 發表
【明報專訊】傳咗政制及內地事務局長政治助理吳璟儁辭(圖)職一段時間，政府噚日出稿公布佢已請辭，今日起休假，至8月30日正式離任，之後將加入西九文化區管理局擔任傳訊及公共事務總經理。據Emily了解，該職位都要面對議會，做政治、engagement工作。政制局長曾國衞話感謝吳璟儁在任期間嘅貢獻，衷心祝福佢喺新崗位工作順利，繼續為特區貢獻。
曾國衞連失副局政助
吳璟儁曾任無綫新聞記者同主播，2017年加入現屆政府擔任時任政制局長聶德權嘅政治助理，喺聶調任公務員事務局後，就成為曾國衞嘅政助。吳璟儁轉職西九管理局，事前已問過「前任行政長官及政治委任官員離職後工作諮詢委員會」，委員會認為佢只要遵循委員會所建議嘅若干規限，之後嘅工作唔會有潛在利益衝突，亦唔預期會引起公眾反感。
政制局副局長陳帥夫喺2月離職，一度有傳由民建聯葉傲冬接替，同時傳出吳璟儁會請辭。葉傲冬臨門失落副局之位，有傳民建聯胡健民有機會出任副局，而目前副局一職未填補，如短期內未有公布，曾國衞嘅副局、政助職位都會懸空。
更多港聞
【Emily】當年為社運離開中大 劉頴匡獄中讀公大
【明報專訊】因為民主派初選案還押嘅劉頴匡，早前話自己面對嘅幾單案總量刑起點大約10幾年，佢facebook專頁噚日公布成功幫佢報讀咗香港公開... 詳情
【Emily】消費券增購買慾 環團憂加劇浪費月餅
【明報專訊】仲有一個月就中秋節，環保團體「食德好」話疫情好轉，加上政府派5000元消費劵，調查顯示市民購買月餅過節自用或送禮嘅意欲較去年提升... 詳情
【明報專訊】立法會法律界前議員郭榮鏗早前移民加拿大，繼上月獲美國哈佛大學甘迺迪學院列為亞洲學人後，佢再加入美國佐治城大學沃爾什外事學院亞洲研...
詳情
【明報專訊】香港研究協會噚日公布調查，結果顯示立法會內擁有議席嘅政團中，自由黨支持度排第一位，得分為2.20（5分最高），民建聯、熱血公民就...
詳情
相關新聞
