【Emily】同6月生日 許智峯念獄中戰友尹爸爸
[2021.06.10] 發表
【明報專訊】立法會前議員尹兆堅同許智峯分別喺6月7日同8日生日，但今年過生日嘅地點截然不同。阿峯目前流亡澳洲，前日喺異地度過39歲生辰，話最開心收到女兒親手畫嘅生日卡，但當諗起喺香港嘅戰友，難免感到心酸，「有多少個獄中過生日的爸爸，不能如此緊抱女兒的手？」阿尹早前喺獄中過生日，兩個仔女要去探監為爸爸慶生。
稱唯一願望是自由地回家
阿峯噚日喺facebook出帖，回憶起仲做緊議員時，立法會辦公室嘅同事總會買蛋糕，為佢同阿尹一齊慶生，仲會開玩笑將阿峯嘅名字寫成「許智勇」。物是人非，阿尹如今已在獄中，阿峯嘆道：「有多少個孩子以淚洗面，每日期待爸爸回家？」佢話自己想念阿尹、同事、手足，希望對方一切安好。至於生日願望，阿峯話唯一希望係「自由地回家，回到光復的香港」。
民主黨林卓廷亦因初選案被還押，嚟緊嘅周日就踏入44歲。阿廷寫咗一封信畀大家，將會由黨友冼卓嵐拍片讀出，片段可於周日晚上阿廷嘅YouTube頻道睇到。
更多港聞
華英重建被指太貴觸礁 已竣工英華6.5億價更高
【明報專訊】地區名校華英中學申請原址重建項目暫遭撤回，建制派議員曾提及4.7億「造價太貴」為由不支持項目。教育局昨回覆立法會議員提問，披露2... 詳情
八成半教師用港台節目教學 教協促重新上載YouTube
【明報專訊】不少教師在課堂播放香港電台節目以助教學，不過港台上月起移除在YouTube頻道播放逾12個月的影片，有教師反映影響教學。教協調查... 詳情
相關新聞
