【Emily】林健鋒倡國泰供應竹篙灣膳食
[2021.05.13] 發表
【明報專訊】竹篙灣檢疫中心提供嘅膳食備受批評，行政會議成員、經民聯立法會議員林健鋒噚日話，見到竹篙灣隔離營嘅情况令佢好心悒，建議政府與國泰航空合作，由負責製作飛機餐嘅國泰航空飲食服務向竹篙灣檢疫中心供應伙食。
林健鋒話接受檢疫者長時間隔離，膳食好重要，食物質素唔應該咁差。佢建議政府利用國泰旗下飲食供應設施，向喺竹篙灣檢疫中心嘅市民提供膳食，因運送餐飲嘅車程較短，加上當局早前向國泰注資，應好好利用。
國泰回覆Emily查詢時話，國泰之前都有提供駿洋邨同竹篙灣檢疫中心嘅膳食，但之後無再中標，如政府再招標，國泰會積極考慮、服務港人；但希望疫情改善，少啲市民入檢疫中心。衛生署就話，會按政府採購嘅規例同守則，邀請多間供應商報價，以採購相關服務，供應檢疫中心所需。
更多港聞
【明報專訊】市建局3月時同華懋集團簽訂合約，將共同營運及管理中環街市活化項目，料第三季重開。華懋集團噚日公布，19號（下周三）會喺中環街市內...
詳情
相關新聞
