【Emily】議員實測 鴨脷洲快艇去赤柱快巴士近倍
[2021.05.10] 發表
【明報專訊】塞車會令人煩躁，政府上年提出「躍動港島南」計劃，有南區區議員把握機會，提出開拓該區水上交通，希望方便居民夏天時到海灘游水。南區區議員陳欣兒、陳炳洋同嚴駿豪就實地測試，由鴨脷洲搭快艇去淺水灣同赤柱要幾耐，結果發現比巴士快近一倍，大約半小時行完整條航線。
「南區生活」前日發布實測片段，陳炳洋喺片中話唔少南區街坊夏天會到深水灣、淺水灣或赤柱游水，但玩完出番市區，單程交通都要個幾小時，陸路塞晒，所以區議員研究開拓水路會唔會更好。佢哋用咗16分鐘由鴨脷洲搭快艇到淺水灣，但陳炳洋話嗰度嘅公衆碼頭水深唔夠，如果載人渡輪要靠岸，淺水灣就要建新碼頭。
話泳季推出水上交通可行
最後區議員用咗30分鐘，由鴨脷洲去到赤柱，陳欣兒話如果搭巴士大約要53分鐘，搭私家車就要半小時以內。嚴駿豪認為喺泳季推出水上交通合適，話方向上可行。
更多港聞
DSE歷史卷聯校模擬卷多處相似 資料引同一抗日電影 教師稱疑惑 考評：取材相近正常
【明報專訊】中學文憑試（DSE）歷史科考試上周四（6日）結束，但有指試卷部分內容與學界一份模擬試卷相似。考評局前歷史科評核發展部經理楊穎宇在... 詳情
相關新聞
