【Emily】臨近「登六」 薛永恒沙田買樓自住
[2021.01.04] 發表
【明報專訊】港台《舊日的足跡》噚日播出創新及科技局長薛永恒嘅錄音訪問，節目主持人淑梅姐「踢爆」薛局長臨近「登六」先置業，住自己樓。Emily翻查行會個人利益申報，薛永恒上年11月中通知行會秘書處，佢嘅家庭成員喺沙田買咗個單位自住，此前佢太太同太太家人已持有一個喺觀塘嘅住宅單位收租。
薛永恒喺節目話，出任創科局長之前做咗公務員30幾年，一直都住喺政府提供嘅宿舍，離開公務員團隊無宿舍喇，就開始租樓，但太太話租樓嘅話啲家俬就唔可以隨心所欲咁用，所以就要搵屬於自己嘅居所；佢強調係有需要先買，唔係投資。薛又透露，自己同已屆87歲嘅媽媽一齊住，閒時會同太太、仔女、媽媽打麻將減吓壓；而佢亦係天主教徒，會同家人去望彌撒。
更多港聞
【明報專訊】2019年反修例風波後，社會撕裂未解。中大賽馬會公共衛生及基層醫療學院助理教授黎可欣的團隊早前獲政策創新與統籌辦事處撥款研究，調...
詳情
相關新聞
