【Emily】曾遇示威者截車 李桂華驚到掉頭走
[2020.03.18] 發表
【明報專訊】反修例運動下警民關係緊張，有組織罪案及三合會調查科(O記)高級警司李桂華喺之前成日出席警方4點鐘記者會，唔少人都認得佢個樣，噚日佢出席監警會會議時話，自己試過兩次揸車時遇到有示威者設非法路障，截停前面嘅車，佢就選擇掉頭走，話「我都非常之驚」。
有後生仔被捕後幾有禮貌
李桂華喺會議講到示威者會設路障，截停啲車問車內有無警察，話有朋友試過，只要答「冇」就走得；佢自己遇過兩次，見到前面啲車有人截停，驚示威者認得佢，就掉頭走咗，佢仲話「我都非常之驚」。另外，李桂華講到有啲後生仔被捕後其實幾有禮貌，話佢哋「蒙咗面，好似我哋𠵱家咁(指戴咗外科口罩)，anonymous(匿名)，做嘢放膽咗」，仲話「嬲怒令佢哋脫離人性」。
更多港聞
【Emily】口罩廠開幕 林健鋒落淚：見工商界承擔
【明報專訊】身兼行政會議成員嘅經民聯立法會議員林健鋒同工商界投入過千萬元，成立口罩生產線「CareHK匯愛」，生產線噚日開幕，預計4月就可以... 詳情
相關新聞
