【明報專訊】區議會選舉周五開始提名期，非建制陣營現時喺個別區「撞區」，仍需協調。其中天水圍天耀區，街工何惠彬、「天水連線」梁榮生都有意出戰，二人早前喺區內搞初選，最後何惠彬以7票險勝，但因為投票人數未達門檻，所以結果無效。 當區現任區議員係民建聯雙料議員梁志祥，預計將交棒畀該黨嘅司徒駿軒。何惠彬同梁榮生喺9月29及30日舉辦初選，共有341人投票，何惠彬獲174票、梁榮生獲167票，由於投票人數未達800票門檻，故結果無效，街工同天水連線需再商討。翻查資料，當區有8871名選民，意味今次只有3.84%選民投票。 天水連線成員林進同傳媒講，民調準備時間及人手不足，反應未如理想，雙方票數接近，反映都有一定民意基礎，希望可再商討協調。何惠彬就話街坊對民調投票動機不大，但佢認為具參考價值，可以評估過往工作不足，再加以改善。 此外，馬鞍山市中心區最少有3名非建制撞區，包括「馬鞍山人」鍾禮謙、工黨吳惠靈及獨立邱文勁，唔知佢哋能否協調成功呢？
|
| |
| |
;)
