【明報專訊】區議會選舉提名期下周五(10月4日)開始，今年有唔少素人都有意服務自己成長嘅社區。當中，外形都幾亮眼嘅浸大學生會前會長陳天俊，預計會落戶馬鞍山服務街坊，但實際落邊區就未有定案。
陳天俊原來仲有另一身分，佢爸爸係沙田區議員陳國強，眼見父親有可能因為政治理念而被DQ，佢向Emily透露，如果係咁，都有可能「代父從軍」成為「Plan B」；佢又話自己政治立場同陳國強有唔同，但喺目前嘅政治光譜下，要守住每個陣地。
浸大學生會前會長 剛剛畢業
陳天俊喺大學讀通識教育，今年剛剛畢業。佢話通識教育呢科可以改變思維、拓闊視野，眼見社會近期發生咁多事，既然本身初衷都係想改變啲嘢，不如試吓落區；而佢由幼稚園、小學都喺馬鞍山讀書，亦家住馬鞍山，所以決定落戶馬鞍山一帶。
;)
