【明報專訊】曾因被搜出氣槍而被控管有仿製火器罪嘅17歲劉康，之前創立咗「香港效益主義黨」，今個月再自行成立「劉康出版社」，集合佢過去一年喺唔同媒體平台上寫嘅文章，出咗本新書《輕論時政》，仲邀請咗香港眾志秘書長黃之鋒、銅鑼灣書店店長林榮基寫序。
黃之鋒林榮基寫序
書入面有8篇文，賣100元港紙，或者12蚊美金(約93港元)，劉康話歡迎大家畀美金，𠵱家要直接同劉康本人買，之後會放喺獨立書店賣。黃之鋒幫劉康本書寫序，話希望大家可以多聽年輕人聲音。劉康話前日先搵完之鋒幫佢影相宣傳，噚日之鋒就被捕，佢譴責政府嘅拘捕行動，而佢自己就唔怕被捕，話喺氣槍案上訴得直，就知警察係求其搵個罪名畀人。
本書亦收錄劉康喺壁屋懲教所嘅經歷，提到被除晒全身衫盤問嘅經過。
;)
