【明報專訊】噚日政府公布，今年港隊去以色列特拉維夫參加「第50屆國際物理奧林匹克」，奪得5面銀牌，得獎中學生包括聖瑪加利男女英文中小學嘅鄒駿宏(左起)、拔萃男書院嘅劉思進、英皇佐治五世學校嘅Gaurav Arya、聖言中學嘅李達生、聖保羅男女中學嘅關亮節。

據Emily了解，比賽有嚟自81個國家或地區共約360名學生參與。教育局長楊潤雄祝賀得獎學生，話教育局會繼續支援同培育更多對STEM(科學、科技、工程及數學)有興趣同天分嘅學生，例如新一年度嘅優質教育基金將STEM教育列為7項優先主題之一，申請獲優先考慮；新學年亦推出全方位學習津貼，畀學校善用新資源，組織包括STEM教育嘅活動。

(政府新聞處)