【明報專訊】歐盟及多個外國政府及機構早前先後表態反對《逃犯條例》修訂，德國駐港總領事館噚日喺facebook嘅「每周一字」教大家「集會」嘅德文係「die Versammlung」，雖然領事館強調帖文並非為噚日反修例大遊行作呼籲，但都引起唔少關注，包括「呃」咗接近4000個like，亦有網民留言話領事館係「最貼地的抽濕機」。
其實德國駐港總領事館上月已經喺facebook貼出該國基本法第1條：「人之尊嚴不可侵犯，尊重及保護此項尊嚴為所有國家機關之義務」。
噚日喺民陣發起嘅反修訂逃犯條例大遊行之日，領事館再透過教大家德文嘅機會，強調集會嘅權利，話德國基本法第8條「集會自由」規定，所有德國人均有和平及不攜帶武器集會嘅權利，毋須事前報告或許可；露天集會嘅權利得以立法或根據法律限制之。
;)
