【明報專訊】政府公布2020年嘅公眾假期，Emily睇過，如果係5天工作周、放「銀行假」嘅打工仔，下年有幾次機會只要請3或4日假，最長可以有9或10日連休，包括農曆新年、清明節連復活節。 其中清明節喺4月4號，而耶穌受難節同復活節喺4月10至13號，夾埋當中嘅星期六日，只要喺4月6到9號攞4日假，就可以放足10日。另外，下年農曆年初一係1月25號，到28號係年初四，只要攞多3日假，連埋星期六日(即2月1號同2號)，就可以連放9日。而喺6月26、29、30日多請3日假，連同端午節同埋七一公眾假期，可享7日假。 不過，2020年嘅農曆年初一、清明節、耶穌受難節翌日同埋聖誕節翌日都喺星期六，逢一至五嘅5天工作制打工仔，就會「蝕」咗4日假期。另外提提大家，下年2月、3月、8月、9月同11月都係無公眾假期。
|
| |
| |
;)
