【明報專訊】高鐵香港段啟用9日，每日客流量都達唔到政府預期，平日乘客人次4萬左右，噚日開始十一黃金周，港鐵都係預計每日乘客人次約6萬，較政府𠵱家「保守估計」嘅8萬人仲要低。不過，本土研究社翻查立法會會議紀要，發現2009年工務小組委員會傾緊高鐵項目時，已經有議員質疑政府對高鐵嘅客流量估算，當時政府話根據數據模型評估，高鐵日均會有9.9萬乘客搭，時任民主黨立法會議員甘乃威(圖)就質疑，一旦高鐵每日載客人次較預期少60%，即每日只有4萬，經濟損失將會達到咩程度。

政府當時話唔會咁差

當時與會嘅運輸及房屋局長鄭汝樺就答，政府已考慮?高鐵低客流嘅情?，並就最壞情?作分析，但考慮到高鐵喺票價同行車時間上嘅競爭力，相信唔會出現比預計客流差60%嘅情?；甘乃威當時堅持要求當局就乘客量預測下跌60%嘅情?提供財務分析。點知睇番現時高鐵嘅營運環境，甘乃威真係「一語成讖」，連本研社都不禁讚歎點解佢可以估得咁精準，形容簡直係「神預言」。

至於當年政府有無就住高鐵每日得4萬人做財務分析，Emily搵過一轉立法會文件就唔見有喇。