【明報專訊】政黨愈來愈重視社交媒體呢個戰場，政治人物亦鍾意透過facebook講述立場，不過年輕一輩近年已唔多玩fb，反而以instagram為主。民建聯(DAB)最近亦開拓ig市場，並喺YouTube開設頻道「一齊嗒」，不過唔再用由立法會議員去講信息呢種傳統方法，實行「去政治」，佢?近日喺ig上載嘅片就同大家講鬼古，配合農曆七月氣氛。

民建聯上周開設ig帳號，至今上載咗兩條短片，兩片都唔見有民記嘅立法會議員出現，第一條宣傳片由唔同人物、畫面串連而成，好似有人介紹南區嘅瀑布灣公園，有人講靈異事件，有人抱住隻貓講?為主子剪趾甲好困難。民記就形容「埋嚟睇，慢慢嗒，我哋會帶你去勻港九新界，仲會有齊好玩、好食、好笑、好用、好驚嘅內容，一齊嗒盡香港啦」。第二條片則喺「鬼節」當日推出，由北區地區人士講吓以前喺河上鄉嘅靈異經歷，成條片亦無硬銷該地區人士。

Emily聽聞，民記刻意將fb同ig兩個平台分開出，為此仲花心思拍片，但唔講政治，希望可以爭取更多支持。