【明報專訊】唔少市民可以話係手機不離手，無論行街定搭車，都可以見到好多「低頭族」，到底手機入面有咩咁吸引？有機構做咗個調查，亦發現手機網購愈嚟愈受港人歡迎。
Mastercard係上年11月，網上訪問咗8610名分別嚟自14個亞太區市場，包括澳洲、日本、新西蘭、菲律賓等嘅消費者，發現有六成受訪港人曾經用手機網上購物，比起舊年嘅44.3%錄得明顯增長。調查顯示，41.5%受訪者話會捨棄實體錢包，改用手機付款，受訪者覺得，手機方便，加上應用程式數目不斷增加，可以隨時隨地網購。
首3個最受歡迎嘅手機網購類別為服裝及配飾、機票同酒店住宿，之後係電影戲票。隨住電子支付愈?愈普及，Emily都相信網購將會進一步普及。
;)
