羅致光拋鑊教煮「取消對?炒飯」
【明報專訊】特首、司局長們都已發表短片講上任一周年工作,勞工及福利局長羅致光(CK)就喺佢每周日嘅網誌度話,過去一年?社會福利範疇推出唔同措施,不論係扶貧、助弱、安老或護幼可以話係「密密手,沒停手」,話如果用文字回顧一年工作,恐怕要寫幾星期,所以用短片方法交代,而片中嘅CK就化身大廚,戴上圍裙嘅佢落手落腳切辣椒等,講到仲未傾掂數嘅取消強積金對冲,CK拋晒鑊咁話係呢屆(政府)招牌菜,叫「取消對?炒飯」。
CK話,炒飯係新菜式,顧客唔一定適應,佢話仲要照顧「底子薄」嘅顧客,要「加多幾錢補品」,需要好好製作。唔知CK係咪暗示政府仲會再加碼補貼?
片中CK做大廚,副局長徐英偉就做傳菜員,徐英偉話顧客催佢哋上菜,但CK就話已經準備好高額長生津、優化職津等煲仔飯,其他菜式要快之餘,都要準備好同有品質,否則未做好就上菜,被彈回頭就仲慢。
CK形容仲要燉好多長遠規劃嘅老火湯,之後會加料,所以要繼續努力,短片又用鏡頭介紹「兒童餐」、「關愛頤年餐」等講吓勞福局就兒童、長者方面嘅政策。