球迷奇遇記 民記睇世盃 半場係雪花
[2018.07.09] 發表
【明報專訊】世界盃八強賽事上星期五、六晚舉行，周末唔少人相約朋友睇波，民建聯3名立法會議員鄭泳舜(Vincent)、「柯仔」柯創盛同劉國勳，上周五晚就喺九龍一間酒店嘅餐廳，同部分九龍區嘅區議員等人一齊睇法國對烏拉圭場波，但睇睇?連電視都壞埋，上半場後段變成睇「雪花」足球。
Vincent同Emily講，當晚同成班地區兄弟去睇波，餐廳亦有唔少外籍遊客一齊欣賞賽事，氣氛唔錯，點知去到上半場大約37分鐘，餐廳電視就開始壞，變成睇雪花，由於該餐廳係用投影機將直播畫面投射去大熒幕，佢哋一度打算幫手整吓，但擔心「一整就立即無得睇」，睇雪花期間法國更有入球，結果睇住雪花捱到完?上半場，成班民記同事就齊齊幫手整，好彩最終都無咩事，令佢哋都見證到法國贏2:0打入四強。
更多港聞
DSE後日放榜 自資院校推優惠招生 學友社籲報讀勿僅考慮學費
【明報專訊】文憑試（DSE）於後日（11日）放榜，考生均十分緊張自己的升學及出路。升學輔導機構學友社學生輔導中心總幹事吳寶城表示，留意到有自... 詳情
【明報專訊】教育局委任的檢討自資專上教育專責小組早前建議，自資院校經試辦年期後，表現如收生未符預期，將有可能面臨「殺校」。其中在2015年開...
詳情
相關新聞
